चलचित्र ‘जनै हराएको बाहुन’ भदौ १० गते रिलिज हुने

काठमाडौं १८ फागुन । चलचित्र ‘जनै हराएको बाहुन’ भदौ १० गते रिलिज हुने भएको छ । हरितालिका तीजको अवसर पारेर यो चलचित्र नेपाल र नेपाल बाहिर एकै दिन रिलिज हुन लागेको हो । यो चलचित्रमा विजय बराल र मनिष राउत मुख्य भूमिकामा छन् । आमा र छोराबीचको इमोस्नल कथा यो चलचित्रमा छ । ‘जनै हराएको बाहुन’लाई हिमाल न्यौपानेले निर्देशन गर्नेछन् । उनको यो डेव्यु निर्देशन छ । यो चलचित्रको असोसियट निर्देशक ‘प्रेमगीत ३’ अभिनेता मनिष राउत छन् । पेपरक्लिप प्रालिले निर्माण गर्न लागेको नयाँ कथा र आकर्षक सिनेमाको कथा, पटकथा र संवाद भानुभक्त ढकालले लेखेका छन् । चलचित्रले गाउँबाट सहर आएको एक सामान्य व्यक्तिले भोग्नुपरेका अनपेक्षित परिस्थिति र त्यसले उनको जीवनमा ल्याएको परिवर्तनको कथालाई भन्ने छ ।